Gleðilegt nýtt ár

Það er kominn 12. jan. 2008  tíminn líður hratt á gerfihnattaöld   Hvernig er þetta fer ekki önnin að byrja? Ef hún fer ekki að byrja fer ég að verða háð því að gera ekki neitt á kvöldin!!

Jæja jólin og áramótin liðu hjá án nokkura vandkvæði hér á þessu heimili. Þó sumum af yngri kynslóðinni þætti seint byrjað að undirbúa hátíðirnar. Meir að segja var húsbóndinn að setja eldavélaháfinn upp seinnipartinn á þorláksmessu. Þegar ég var að dásama hann (sko háfinn) þá lét sonardóttirin sem er tveggja og hálfsárs ekki sitt eftir liggja að hæla afa sínum og sagði " afi, dugleg stelpa" Afinn gat ekki fengið betra hól Háfurinn (og húsbóndinn) kom að góðum notum við jólaeldamenskuna. Um áramótin var farið til Vestmannaeyja og dvalið hjá tengdaforeldrunum fram á þrettándann. Það var algjört letilíf  etið og sofið út í eitt.   

Nú er maður búin að vinna í eina viku og alveg uppgefin næsta verður auðveldari.

Jæja læt þetta vera gott í bili er að hugsa um að kíkja aðeins á sjónvarpið.

Beta